• Latest News

    Monday, May 23, 2016

    WALIOCHAGULIWA KUJIUNGA NA JKT 2016 MAJINA YAPO HAPA

    TANGAZO MUHIMU KWA VIJANA WALIOMALIZA KIDATO CHA SITA MEI 2016

    Jeshi la Kujenga Taifa (JKT), limechagua vijana waliohitimu elimu ya sekondari kidato cha sita kwa mwaka 2016, kutoka shule zote za Tanzania Bara kuhudhuria mafunzo ya JKT kwa Mujibu wa Sheria.
    Sanjari na uchaguzi huo, JKT limewapangia makambi watakayokwenda kupatiwa mafunzo kwa muda wa miezi mitatu na wanatakiwa kuripoti makambini kuanzia tarehe 01 - 05 Juni 2016.
    Vijana waliochaguliwa, wamepangiwa katika Kambi za JKT Rwamkoma – Mara, JKT Msange – Tabora, JKT Ruvu – Pwani, JKT Makutupora – Dodoma, JKT Mafinga – Iringa, JKT Mlale – Ruvuma, JKT Mgambo na JKT Maramba – Tanga, JKT Bulombora, JKT Kanembwa na JKT Mtabila – Kigoma.
    Aidha, wahitimu wenye ulemavu wa kuonekana kwa macho (physical disabilities) wanatakiwa kuripoti Kambi ya JKT RUVU, iliyopo Mlandizi mkoani Pwani, ambayo ina miundombinu ya kuhudumia watu wa jamii hiyo.
    JKT linawataka vijana hao kuripoti makambini wakiwa na nguo za michezo kama vile ‘track suit’, bukta, raba pamoja na nguo za kuzuia baridi kwa waliopangiwa kwenye makambi yenye baridi kama JKT Makutupora, JKT Mafinga, JKT Mlale, JKT Kanembwa na JKT Mtabila.
    Mkuu wa JKT anawakaribisha vijana wote waliochanguliwa ili waweze kujiunga na vijana wenzao katika kujifunza uzalendo, umoja wa kitaifa, uhodari, stadi za kazi, stadi za maisha na utayari wa kulijenga na kulitumikia Taifa letu.

    Vikosi Walivyopangiwa Vijana kwa mujibu wa Sheria 2016

    Tafadhali bonyeza jina la kikosi kutafuta jina lako
     BULOMBORA -KIGOMA RWAMKOMA - MUSOMA KANEMBWA
     MSANGE - TABORA MAKUTOPORA - DODOMA RUVU - PWANI
     MGAMBO - TANGA MARAMBA - TANGA MLALE - SONGEA
     MAFINGA - IRINGA MTABILA - KIGOMA

    Imetolewa na:
    Kurugenzi ya Habari na Uhusiano
    Makao Makuu ya JKT
    Tarehe 20 Mei 2016
    • Blogger Comments
    • Facebook Comments

    0 comments:

    Post a Comment

    Item Reviewed: WALIOCHAGULIWA KUJIUNGA NA JKT 2016 MAJINA YAPO HAPA Rating: 5 Reviewed By: Kilimo mifugo
    Scroll to Top